Евангелие от Иоанна зачало 45.

Во время оно, егда умы Иисус нозе учеником, прият ризы Своя, возлег паки, рече им: весте ли, что сотворих вам? Вы глашаете Мя Учителя и Господа, и добре глаголете, есмь бо. Аще убо Аз умых ваши нозе, Господь и Учитель, и вы должни есте друг другу умывати нозе. Образ бо дах вам, да, якоже Аз сотворих вам, и вы творите. Аминь, аминь глаголю вам: несть раб болий господа своего, ни посланник болий пославшаго его. Аще сия весте, блажени есте, аще творите я.

Ин 13:12–17