Евангелие от Иоанна  зачало 37Б.

Во время оно, быша обновления во Иерусалимех, и зима бе. И хождаше Иисус в церкви, в притворе Соломони. Обыдоша же Его Иудее и глаголаху Ему: доколе душы нашя вземлеши? Аще Ты еси Христос, рцы нам не обинуяся. Отвеща им Иисус: рех вам, и не веруете, дела, яже Аз творю о имени Отца Моего, та свидетелствуют о Мне, но вы не веруете, несте бо от овец Моих, якоже рех вам. Овцы Моя гласа Моего слушают, и Аз знаю их, и по Мне грядут, и Аз живот вечный дам им.

Ин 10:22–28А